Tyrkland og Egyptaland
4 daga sigling á Níl
Ferðatímabil: 5. – 18. sept. 2025
Þessi einstaka ferð leiðir okkur í gegnum tvo stórbrotna menningarheima – frá iðandi mannlífi Istanbúl til fornar dýrðar Egyptalands. Við heimsækjum söguleg kennileiti, njótum stórbrotinnar náttúru og upplifum heillandi menningu þessara tveggja landa. Hápunktur ferðarinnar er fjögurra daga sigling á Níl.
Flug til Istanbúl
DAGUR 1
fös. 5. SEPT. 2025
Beint flug frá Keflavíkurflugvelli til Istanbúl með Icelandair
Frjáls dagur - Gamla Istanbúl
DAGUR 2
Lau. 6. SEPT. 2025
Hér gefst okkur kostur á að ganga um gamla borgarhluta Istanbúl og virða fyrir okkur Bláu moskuna, Topkapi höllina og Haremið, Hagía Sofía moskuna (Ægisif), Hippodrome og Basilísku vatnsgeymslurnar frá dögum Rómverja. Þetta eru mikil menningarverðmæti sem enginn má láta fram hjá sér fara. Góð hugmynd er að enda daginn á innkaupaferð í Grand Bazaar, einn elsta innimarkað í heimi. Ótrúlegt en satt, þar má finna um 60 stræti með rúmlega 4000 verslunum.
Valfrjálsar leiðsagnir:
Við bendum á að finna má mun fleiri hugmyndir af skoðunarferðum fyrir þá sem þess óska á www.gettheguide.com
Gisting á 4
hóteli,
Dagur í Istanbúl
- Kvöld í Kairó
DAGUR 3
Sun. 7. SEPT. 2025
Valfrjálsar leiðsagnir:
Við bendum á að finna má mun fleiri hugmyndir af skoðunarferðum fyrir þá sem þess óska á www.gettheguide.com
Flug med Egypt Airlines frá Istanbúl til Kaíró
Pýramýdarnir í Giza,
Sphinxinn og Egypska safnið
DAGUR 4
mán. 8. SEPT. 2025
Flug til Lúxor
- Karnak og Lúxorhofin
DAGUR 5
ÞRI. 9. SEPT. 2025
Flug med Egypt Airlines Kaíró til Luxor
Við fljúgum til Lúxor að morgni og okkur verður fylgt á hótelið þar sem við náum að hvílast stuttlega fyrir atburði dagsins.
Við skoðum Karnak og Lúxor hofrústirnar sem eru frá tíma Egyptalands hins forna. Upphaf hofbygginga á þessum stað má rekja til valdatíma Senúsret 1. á tíma Miðríkisins (1971-1926 f.Kr.). Byggingu svæðisins lauk að mestu á tíma 18. konungsættarinnar, en yngstu byggingarnar eru frá 30. konungsættinni.
Valfrjáls upplifun í Lúxor
Við hefjum flug fyrir sólarupprás og fylgjumst með dögun yfir Þebönsku hæðunum og Níl.
Flugleiðin ræðst algjörlega af vindi, sem gerir hverja ferð einstaka. Ferðin tekur um 30–35 mínútur. Verð um 110€. Greiðist á vettvangi.
Konungadalurinn
og Dalur aðalsmanna
DAGUR 6
MI. 10. SEPT. 2025
Fyrsti áfangastaður dagsins er Konungadalurinn, þar sem við munum heimsækja nokkrar af konunglegum grafhýsum Egyptalands. Aðeins 10 til 12 grafhýsi eru opin í einu, þar sem þau eru skipt upp til varðveislu og endurbóta. Miði í Konungadalinn er innifalinn og veitir aðgang að þremur grafhýsum að eigin vali.
Við munum einnig skoða grafhýsi Tutankhamons.
Eftir heimsókn í Konungadalinn verður farið í minningarmusteri Hatshepsut drottningar í Deir el Bahari, eina musterið í Egyptalandi sem er byggt í stöllum. Musterið stendur í náttúrulegum hringleikahúsformuðum klettum og rís tignarlega upp úr eyðimerkursandinum. Þetta stórfenglega hof hefur mikilfenglegar stallaðar brekkur og rúmgóð garðhýsi. Hofin eru skreytt fallegum veggmyndum.
Við endum daginn í Dal aðalsmanna.
Við skoðum Memnon risastytturnar, og virðum fyrir okkur fornleifauppgröft við hof Amenhotep III.
Fyrsti dagur á Níl
- Hofið í Esna
DAGUR 7
FI. 11. SEPT. 2025
Við ökum til Esna, um 50 km suður af Lúxor, þar sem við göngum um borð í Dahabiya-bát. Framundan er 4 daga sigling á Níl, frá Esna til Aswan.
Við heimsækjum hofið í Esna, þar sem við skoðum helgistaðinn og njótum stuttrar göngu um líflega markaði í bænum.
Við siglum til El Kab, (áður Nekheb), og skoðum leifar mustera og grafhýsi sem eru hoggin beint inn í klettana.
Eftir heimsóknina verður haldið áfram meðfram Níl þar til komið er að litilli eyju, þar sem báturinn leggst við akkeri yfir nóttina.
Kvöldverður verður borinn fram annaðhvort um borð í fjótabátnum eða á kyrrlátum bakka Nílar.
Fyrsta gistnóttin um borð í Dahabiya – fullt fæði og síðdegiste.
Ferð um Níl á Dahabiya-bát!
Hámark farþega er 15 manns + hópstjóri
Hvað er eiginlega Dahabiya-bátur?
Dahabiya-bátur er hefðbundinn, glæsilegur seglbátur sem var upphaflega notaður af egypsku yfirstéttinni á 19. öld til að ferðast upp og niður Níl. Nafnið „Dahabiya“ kemur úr arabísku orðinu „dahab“, sem þýðir „gull“ og vísar til þess lúxus sem bátarnir þóttu standa fyrir á sínum tíma.
Gullöld siglinga á Níl endurvakin
Dahabiya báturinn okkar er Miriam, öll hönnun er innblásin af gullöld ferðalaga á Níl. Nákvæm eftirmynd af 19. aldar Dahabiya. Hér er því bæði um að ræða lúxus- og menningarlega upplifun.
Þilfarið er yfirbyggt og innheldur rúmgóða setustofu og borðstofu. Antík-lampar og ljósakrónur lýsa upp þilfarið og stólar, sófar og legubekkir skapa afslappað andrúmsloft.
Við slökum á og njótum töfrandi útsýnis undir hvítum seglum bátsins.
Inni í skipinu er rúmgóð og björt setustofa. Setustofan skiptist í tvennt; önnur hliðin er útbúin þægilegum sófum og stólum, á meðan hin er með borðstofuborði og bókasafni sem inniheldur bækur um Egyptaland og Níl.
Miriam er fullloftkæld og hver káeta og svíta er með eigin loftkælingu og hitastillingum, þannig að þú getur lagað hitastigið að eigin óskum.
Af hverju er valið að sigla á Dahabiya bát í þessari ferð?
Að ferðast með Dahabiya-bát er bæði einstök og skemmtileg leið til að upplifa siglingu á Níl. Ferðin býður upp á blöndu af sögulegum sjarma og nútíma þægindum, langt frá ys og þys fjöldaferðamennsku. Þetta gerir alla upplifun dýpri, bæði í tengslum við menningu, landslag og sögu Egyptalands.
Youtube hreyfimyndirnar sýna upplifanir úr áþekkum ferðum.
Annar dagur á Níl
- Edfu og Wadi el Shat
DAGUR 8
Fös. 12. SEPT. 2025
Við siglum til Edfu og heimsækjum Hórusarhof, eitt best varðveitta musteri Egyptalands.
Eftir heimsóknina heldur ferðin áfram eftir Níl, með viðkomu í litlum þorpum og stöðum inni í eyðimörkinni. Hér er einstakt tækifæri á að skoða ósnortna nátturu og lifnaðarhætti í Egyptalandi.
Báturinn mun leggjast við akkeri við litla eyju fyrir nóttina. Kokkurinn okkar mun útbúa ekta egypskan kvöldverð, sem verður borinn fram á fallegum stað við bakka Nílar.
Önnur gistinóttin um borð í Dahabiya – fullt fæði og síðdegiste.
Þriðji dagur á Níl - Gebel el Silsila, Kom Ombo og Maniha
DAGUR 9
LAu. 13. SEPT. 2025
Siglt verður til Gebel el Silsila, þar sem við munum skoða fornar sandsteinsnámur og klettaskorin hof sem reist voru á tímum Horemhebs, Seti I, Ramses II og Merenptah.
Ferðin heldur áfram upp eftir Níl til tvíbura-hofsins í Kom Ombo, sem er tileinkað Haroeris og Sobek, krókódílaguðinum.
Við siglum til eyjarinnar Maniha, þar sem Dahabiya mun leggjast við akkeri yfir nóttina.
Kvöldverður verður borinn fram annaðhvort um borð í Dahabiya eða á friðsælum bakka Nílar.
Þriðja nóttin um borð í Dahabiya – fullt fæði og síðdegiste.
Fjórði dagur á Níl - Daraw,
Núbíska þorpið og Aswan
DAGUR 10
LAu. 13. SEPT. 2025
Sigling til Daraw og El Koubania, Aswan.
Siglt verður til Daraw, þar við förum í gönguferð um þorpið. Við heimsækjum kameldýramarkaðinn og staðarmarkaðina í Daraw. Daraw var eitt sinn síðasta stopp á hinni frægu 40 daga eyðimerkurleið milli Súdan og Egyptalands.
Eftir heimsóknina heldur siglingin áfram til núbíska þorpsins El Koubania rétt við Aswan.
Fjórða og síðasta nóttin um borð í Dahabiya – fullt fæði og síðdegiste.
Dagsferð til Abu Simbel
DAGUR 11
Má. 15. SEPT. 2025
Við höldum í dagsferð til Abu Simbel. Hið heimsfræga hof Ramesses II og Nefertari drottningar liggur við Nasservatn, 280 km suður af Aswan. Fjórar risavaxnar styttur af Ramesses II prýða framhlið hofsins, sem er hans þekktasta og metnaðarfyllsta byggingarverk.
Ramesses II prýddi Egyptaland með minnismerkjum á löngu og glæsilegu valdatímabili sínu, sem stóð í sextíu og sjö ár. Stóra hof Ramesses II og minna hofið sem var helgað goðsagnakennda eiginkonu hans, Nefertari, eru vitnisburður um dýrð og mátt fornegypta. Árið 1968 voru bæði hofin tekin niður og flutt upp á hærri stað vegna hættu sem stafaði af hækkandi vatni við byggingu Stíflunnar miklu. Í dag eru þau undur bæði fornrar og nútímalegrar verkfræði.
Gisting á 5 hóteli Mövenpick Aswan.
Flug til Kaíró
- og áfram til Istanbúl
DAGUR 12
ÞRI. 16. SEPT. 2025
Flug tilbaka til Istanbúl
Flug frá Aswan – Kaíró med Egypt Air
Brottför kl. 06:00 – Lending kl. 07:20
Flug frá Kaíró – Istanbúl með Egypt Air
Síðasti dagur í Istanbúl
DAGUR 13
mið. 17. SEPT. 2025
Valfrjáls sex tíma gönguferð með staðkunnum enskumælandi leiðsögumanni.
Hápunktar: Taksim-torg, Galata-turninn, ferja yfir Bosphorus, kryddmarkaður
Heimferð
DAGUR 14
Fim. 18. SEPT. 2025
Heimflug með Icelandair frá Istanbúl
Verð og greiðsluskilmálar
Allt sem þú þarft að vita um verð, innifalið og það sem þú getur valið að bæta við – skýrt og einfalt.
Verð og greiðsluskilmálar
Verð á mann er 773.200 kr., miðað við gistingu í tveggja manna herbergi.
Einstaklingsherbergi er í boði gegn aukagjaldi að upphæð 238.700 kr.
Viltu auka lúxus? Það eru tvær svítur um í Dahabyia-bátnum. Aukagjald fyrir svítuna er 49.600 kr. Fyrstir koma, fyrstir fá!
Við skráningu þarf að greiða staðfestingargjald að upphæð 154.640 kr. (20% af grunnverði). Skráningargjaldið skal greiðast innan þriggja vikna frá skráningu. Lokagreiðsla, að upphæð 618.560 kr., skal greiðast í síðasta lagi 9. júlí 2024.
Lágmarksfjöldi: 10 manns.
Hámarksfjöldi: 15 manns.
Innifalið í verði
Einnig innifalið
Valfrjálsar upplifanir
Ekki innifalið
Máltíðir sem ekki eru taldar upp í innifalið
Drykkjarföng og persónuleg útgjöld
Þjórfé fyrir erlendan fararstjóra og rútubílstjóra
Farangursþjónusta á hótelum
Forfalla- og ferðatryggingar
via World ApS
📞 Hafðu samband
Sími: 830 0800
Tölvupóstur: team@viaiceland.com eða bjarni.meyer@viaworld.travel
Við veitum fúslega nánari upplýsingar um ferðatilhögun og aðra valkosti.
Fararstjóri
Staðarleiðsögumaður í Egyptalandi
Fararstjóri
Staðarleiðsögumaður í Egyptalandi
Óbindandi skráning – tryggðu þér sæti
Skráningin er fyrst bindandi eftir greiðslu staðfestingargjalds.
Óbindandi skráning
– tryggðu þér sæti
Til að fá gott yfirlit yfir hópinn og tryggja að allt verði skipulagt sem best, biðjum við ykkur um að fylla út meðfylgjandi skráningarform. Þetta hjálpar okkur að laga ferðina sem best að ykkar þörfum og óskum og skapa sem besta upplifun. Með skráningu tryggir þið ykkur einnig sæti í ferðinni. Þið fáið staðfestingu á skáningu með tölvupósti (athugið spam!).
Við bendum ykkur á að skoða þá valkosti sem í boði og merkja þar sem á við.
Skráningin er fyrst bindandi eftir greiðslu staðfestingargjalds.
Ferðaskilmálar
Ferðaskilmálar
1. Almennt
Þessir ferðaskilmálar gilda fyrir allar ferðir sem bókaðar eru í gegnum via World ApS / via Iceland ApS. Með því að skrá sig í ferð eða staðfesta bókun samþykkir þátttakandi þessa skilmála.
2. Bókun og greiðsluskilmálar
- Staðfestingargjald þarf að greiðast við bókun og er það almennt óendurgreiðanlegt, nema annað sé sérstaklega tekið fram.
- Fullnaðargreiðsla vegna ferðar skal innt af hendi eigi síðar en 90 dögum fyrir brottför, nema annað sé tekið fram í samningi.
- Þjónustugjald er innheimt fyrir þjónustu sem er ekki innifalin í verði ferðar, t.d. sérpöntun á bílaleigubíl, gistingu o.fl.
- Ef greiðsla berst ekki innan tilskilins tíma áskilur via World ApS sér rétt til að ógilda bókunina án endurgreiðslu.
3. Innifalið í verði
- Verð ferða er miðað við þær upplýsingar sem gilda á bókunardegi.
- Ef breytingar verða á gjaldmiðlum, sköttum, eldsneytisgjöldum eða öðrum kostnaðarliðum, áskilur via World ApS sér rétt til að breyta verði í samræmi við það.
- Innifalið í verði er einungis það sem sérstaklega er tekið fram í ferðalýsingu, t.d. flug, gisting, ferðir, aðgangseyrir og leiðsögn þar sem við á.
4. Afturköllun og endurgreiðslufyrirkomulag
Allar afbókanir þurfa að berast skriflega til via World ApS.
4.1 Staðfestingargjald
- Staðfestingargjald er 20% af heildarverði ferðar og er óafturkræft nema ferð sé felld niður af via World ApS.
4.2 Endurgreiðsla eftir því hvenær afbókun berst
- Meira en 90 dögum fyrir brottför – Endurgreiðsla að frádregnu staðfestingargjaldi.
- 60-89 dögum fyrir brottför – Endurgreiðsla á 50% af ferðaverði.
- 45-59 dögum fyrir brottför – Endurgreiðsla á 25% af ferðaverði.
- Minna en 45 dögum fyrir brottför – Engin endurgreiðsla.
- Ef ferðamaður mætir ekki til ferðar eða missir af flugi/ferð, er engin endurgreiðsla veitt.
Ef greitt hefur verið með kreditkorti fer endurgreiðslan inn á sama kort og notað var til greiðslu.
4.3 Aflýsing af hálfu via World ApS
via World getur hætt við ferð allt að 28 dögum fyrir brottför ef ekki næst lágmarksfjöldi þátttakenda, að uppfylltum eftirfarandi skilyrðum:
a) Lágmarksfjöldi þátttakenda og tímasetning fyrir aflýsingu ferðar hafa verið tilgreind í bæði ferðalýsingu og staðfestingu ferðar.
b) Við staðfestingu ferðar skulu þessi ákvæði koma fram á skýran og læsilegan hátt.
Afturköllun verður að vera tilkynnt í síðasta lagi á þeim degi sem tilgreindur er í ferðalýsingu og við staðfestingu ferðar.
Ef ferð er aflýst af hálfu via World ApS / via Iceland ApS, er boðin full endurgreiðsla.
- via World ApS ber ekki ábyrgð á aukaútgjöldum sem kunna að hafa fallið til hjá viðskiptavini, svo sem vegna flugmiða eða annarra bókana sem ekki eru hluti af pakkaferðinni.
5. Breytingar á ferðum
- via World ApS áskilur sér rétt til að breyta dagskrá ferða ef nauðsyn krefur, t.d. vegna veðurs, aðstæðna á áfangastað eða annarra ófyrirséðra aðstæðna.
- Ef breytingar eiga sér stað mun fyrirtækið leitast við að veita sambærilega þjónustu.
6. Ábyrgð ferðamannsins
- Ferðamaður ber ábyrgð á að hafa gild vegabréf og vegabréfsáritun, ef þörf krefur.
- Ferðamaður ber ábyrgð á að vera tryggður með ferðatryggingu og sjúkratryggingu.
- Ferðamaður ber ábyrgð á að fylgja settum reglum og leiðbeiningum fararstjóra eða samstarfsaðila via World ApS á hverjum áfangastað.
7. Ábyrgð via World ApS
- via World ApS tryggir að allar ferðir séu skipulagðar með faglegum hætti.
- Fyrirtækið ber ekki ábyrgð á töfum, náttúruhamförum, veðri, verkföllum eða öðrum utanaðkomandi aðstæðum sem það ræður ekki við.
- Ef bilun verður í þjónustu samstarfsaðila mun via World ApS leitast við að finna lausn, en ber ekki fjárhagslega ábyrgð á slíku.
8. Kvartanir og ágreiningur
- Ef ferðamaður hefur ábendingar eða kvartanir skulu þær berast strax á meðan ferð stendur svo hægt sé að leysa málið á staðnum.
- Ef ekki tekst að leysa úr kvörtun á staðnum má senda skriflega kvörtun innan 14 daga frá lokum ferðar.
- Ágreiningsmál sem ekki er hægt að leysa með samkomulagi verða leyst samkvæmt lögum.
9. Skylda til að veita aðstoð
via World er skuldbundið til að veita viðskiptavinum aðstoð ef neyðartilvik koma upp.
10. Kröfur og fyrningarfrestur
Kröfur vegna galla á ferð þjónustu fyrnast eftir tvö ár.
11. Vegabréfs- og vegabréfsáritunarkröfur
via World veitir viðskiptavinum upplýsingar um reglur varðandi vegabréf, vegabréfsáritanir og heilsufarskröfur. Viðskiptavinurinn ber hins vegar sjálfur ábyrgð á að uppfylla þessar kröfur.
12. Lögsaga og varnarþing
Lögsaga og varnarþing er í samræmi við lögsögu via World í Danmörku.
13. Persónuvernd
Persónuupplýsingar eru meðhöndlaðar í samræmi við gildandi persónuverndarlög og reglur.
14. Ferðaskipuleggjandi
via World Aps
Robert Jacobsens Vej 35, 5mf.
2300 Kaupmannahöfn
Danmörk
Símar: 830 0300 og +45 44 111 777
Netföng: team@viaiceland.com og bjarni.meyer@viaworld.travel
Vefsíða: www.viaiceland.com/viaworld
Framkvæmdastjóri: Bjarni Meyer Einarsson
Það er eindregið mælt með að ferðamenn kaupi ferðatryggingu sem nær yfir hugsanlega afbókun eða röskun á ferðalagi.
Vinsamlegast hafið samband ef óskað er frekari upplýsinga.
Vegabréfsáritun
Íslendingar þurfa vegabréfsáritun til að heimsækja Egyptaland. Áritunin er auðveld í framkvæmd og er afgreidd við komu á flugvellinum, þar sem við veitum aðstoð. Vegabréfsáritun er innifalin í verðinu.
Bólusetningar
Smitsjúkdómar eru mismunandi eftir löndum og heimsálfum. Bólusetningar fara eftir hvað þú ert að fara að gera og hvert þú ert að fara. Einnig eru smitsjúkdómar mismunandi eftir árum og tímabilum og í raun síbreytanlegir.
Hafðu í huga að fara í bólusetningar nokkrum vikum áður en ferðalagið hefst. Hafið samband við ferðavernd eða heilsugæslu með góðum fyrirvara, ekki seinna en 3 mánuðum fyrir brottför. Þar mun fagfólk aðstoða þig og veita þér ráðgjöf er varðar hvaða bólusetning mun henta þér hverju sinni. Þetta er sérstaklega mikilvægt vegna þess að sumar sprautur þarf að endurtaka. Hins vegar eru sumar sprautur sem endast í tugi ára.
Algengir sjúkdómar sem mælt er með að bólusetja sig fyrir eru til dæmis stífkrampi, heilahimnubólga og lifrarbólga A og B. Einnig er þekkt að taka malaríulyf á svæðum þar sem hún er virk.
Förum varlega í að gefa öðrum ferðalöngum ráð er varðar bólusetningar eða vörn gegn smitsjúkdómum (t.d malaríu). Ástæðan er sú að ekki gildir það sama um alla og þó þú hafir þurft eitthvað ákveðið gæti önnur manneskja þurft öðruvísi meðferð.
Læknir eða ferðavernd svara öllum spurningum varðandi bólusetningar og heilsuvernd.
Við leggjum í hann eftir
- 00daga
- 00klukkutíma
- 00mínútur
Tyrkland og Egyptaland - 14 dagar
Þessi einstaka ferð leiðir okkur í gegnum tvo stórbrotna menningarheima – frá iðandi mannlífi Istanbúl til fornar dýrðar Egyptalands. Við heimsækjum söguleg kennileiti, njótum stórbrotinnar náttúru og upplifum heillandi menningu þessara tveggja landa. Hápunktur ferðarinnar er fjögurra daga sigling á Níl.
Ferðatímabíl : 5. - 18. september 2025
Japan - 12 daga ferð
Heillandi ferð um Japan þar sem við upplifum blöndu af háþróaðri borgarmenningu og kyrrlátri hefð – frá Tókýó til Kyoto. Við njótum japanskrar matargerðar, skoðum helstu kennileiti, göngum um blómlega garða og sjáum Fuji-fjallið. Einstakt ferðalag þar sem menning, náttúra og nútími fléttast saman.
Ferðatímabíl : í lok mars 2026
Tyrkland og Egyptaland - 14 dagar
Þessi einstaka ferð leiðir okkur í gegnum tvo stórbrotna menningarheima – frá iðandi mannlífi Istanbúl til fornar dýrðar Egyptalands. Við heimsækjum söguleg kennileiti, njótum stórbrotinnar náttúru og upplifum heillandi menningu þessara tveggja landa. Hápunktur ferðarinnar er fjögurra daga sigling á Níl.
Ferðatímabíl : 17. - 30. september 2026
Kanada - 14 daga ferð
Ferðin hefst í Toronto með heimsókn að stórkostlegum Niagarafossum. Þaðan liggur leiðin til Jasper í Klettafjöllunum, þar sem þið njótið óviðjafnanlegrar náttúru. Ferðinni lýkur í gróðursælli strandborginni Vancouver, þar sem menning og afslöppun mætast við sjóinn.
Ferðatímabíl : í október 2026
Georgía og Armenía - 12 daga ferð
Upplifðu töfra Suður-Kákasussvæðisins. Í Georgíu njótum við vínsins í fæðingarlandi vínmenningar og heimsækjum borgir eins og Tbilisi og Signagi. Í Armeníu bíða ævafornar kirkjur, fjallasýn og djúp menningararfleifð.
Ferðatímabíl : 12 dagar í október 2026
Why Choose via World for Your Group Tour?
At via World, we specialize in creating unforgettable, tailor-made group tours to Iceland for groups of 10 or more. Whether you’re planning a corporate retreat, a club excursion, or a special trip with friends and family, we ensure your journey is customized to your specific needs and preferences.
- Fully Customized Itineraries: We design your trip from start to finish, incorporating your interests—whether it’s exploring Turkey’s rich history, Egypt’s iconic landmarks, or indulging in unique cultural and culinary experiences.
- Expert Guidance:While we may be new to organizing tours in Turkey and Egypt, we collaborate with highly competent and reliable local tour operators. Their deep knowledge and expertise ensure that every detail of your trip is handled professionally, delivering an exceptional experience.
- Member of Rejsegarantifonden (The Danish Travel Guarantee Fund): As a member of Rejsegarantifonden, your trip is financially protected. This Danish government-backed fund ensures that your payments are secure, offering you peace of mind. In the unlikely event of insolvency, you are guaranteed a refund or assistance with repatriation, providing you with full financial security.
Let Us Take Care of the Details
Planning a group tour can be complex, but we’re here to simplify the process. We take care of everything, including:
- Entry requirements: We handle visa information, travel documents, and any specific regulations related to your group’s visit to Turkey or Egypt.
- A detailed itinerary: We create a comprehensive plan that balances sightseeing, activities, and free time, ensuring a well-rounded experience tailored to your group’s preferences.
- Accommodation arrangements: We select comfortable accommodations that suit your group’s needs, whether you’re looking for modern hotels, charming boutique options, or more unique lodging experiences.
- Unique experiences: From exploring Turkey’s rich history and breathtaking landscapes to experiencing Egypt’s iconic monuments and vibrant culture, we collaborate with expert local operators to curate memorable activities and ensure your group leaves with unforgettable memories.
- Transportation logistics:
We coordinate all your transport needs, from airport transfers to comfortable travel between Turkey’s or Egypt’s iconic landmarks, ensuring every detail is covered for a seamless journey.
Let us handle the logistics while you focus on enjoying an extraordinary group adventure!
